Ish-trajneri zbulon të ardhmen e Haaland: Ju tregoj unë ku do transferohet

Sports

Erling Haaland po luan sezonin e fundit me Borussia Dortmund. Ylli norvegjez kërkohet nga disa klube “big”, ndërsa e ka pohuar vetë se do të transferohet në La Liga. Në qershor do të aktivizohet klauzola prej 75 milionë eurosh, transmeton 24 sport.

Agjenti i tij, Mino Raiola po bisedon me disa klube të ndryshme, teksa 21-vjeçari pëlqehet shumë edhe në Angli. Ish-trajneri i tij tek ekipi i Bryne, Alf Ingve Berntsen ka folur rreth së ardhmes së Haaland për mediet spanjolle.

“Erling është gati të lërë Dortmundin për të shkuar në një tjetër klub, jam i sigurt se menaxheri i tij do të marrë vendimin më të mirë.”, deklaroi norvegjezi, i cili ndalet konkretisht te Real Madrid.

“Jam i bindur se Haaland do të ngrinte edhe më shumë nivelin e skuadrës së Carlo Ancelottit. Ai është një sulmues i shkëlqyer, mendoj se mund të luajë shumë mirë me Benzema, Vinicius Junior apo Mbappe”.

Një nga sulmuesit më të mirë në qarkullim, u transferua te Dortmund në janarin e vitit 2020 dhe deri tani ka realizuar 76 gola në të gjithë kompeticionet me verdhezinjtë./24sportshqip.com

Leave a Reply

Your email address will not be published. Required fields are marked *